ရောင့်ရဲကျေနပ်မှုကို လိုက်ဖမ်းခြင်း
စိတ်ရောဂါကုဆရာဝန်တစ်ဉီး၏ အကြံပေးစာကဏ္ဍတွင် ရည်မှန်းချက်ကြီးကြီးနှင့်ကြိုးစားမှုများကြောင့် ရောင့်ရဲကျေနပ်မှု မရနိုင်ဖြစ်နေသည့် Brenda (ဘရန်ဒါ) ခေါ် အမျိုးသမီး၏စာကို ပြန်ကြားပေးခဲ့သည်။ သူ့စကားလုံးများက တဲ့တိုးဆန် သည်။ သူက လူသားများသည် ပျော်ရွှင်ရန် ဖြစ်တည်နေခြင်း မဟုတ်ဘဲ “အသက်ရှင်ရန်နှင့် မျိုးပွားရန်”သာ ဖြစ်တည်နေသည်။ “ကလူကျီစယ်လျက် ဖမ်းရခက် သော ရောင့်ရဲကျေနပ်မှုလိပ်ပြာငယ်”ကို လိုက်လံဖမ်းဆီးရန် ကျွန်ုပ်တို့ ကျိန်စာသင့်နေပြီး “မည်သည့်အခါမှ ယင်းကို ဖမ်းမိမည် မဟုတ်” ဟု ဆိုသည်။
ဘာကိုမှတန်ဖိုးရှိသည်ဟုမထင်သော ထိုဆရာဝန်၏ပြန်စာကို ဘရန်ဒါ ဖတ်ရသောအခါ သူမမည်သို့ခံစားရမည်နည်း။ သူမသာ ဆာလံကျမ်း ၁၃၁ ကို ဖတ်ခဲ့လျှင် တစ်မူထူးပြီး မည်သို့ခံစားခဲ့ရမည်နည်းဟု ကျွန်တော်တွေးမိသည်။ ထိုဆာလံ၌ ကျေနပ်ရောင့်ရဲမှုအား မည်သို့ရှာရမည်ကို ဒါဝိဒ်မင်းကြီးက တွေးတောဆင်ခြင်ပြခဲ့သည်။ ဒါဝိဒ်မင်းကြီးသည် သူ့၏ရာဇဣန္ဒြေကို ဘေးဖယ်ကာ နှိမ့်ချစွာဖြင့် စတင်ဆင်ခြင်သည်။ သူရင်ဆိုင်ရသည့် သူ့ဘဝ၏ကြီးမားသော အခက်အခဲများသည်…
နှိမ့်ချသောနေ့
လူတို့ဖန်တီးသော တရားဝင်ရုံးပိတ်ရက်မဟုတ်သည့် အားလပ်ရက်များကို ကျွန်ုပ်မကြာခဏ သဘောကျမိသည်။ ဖေဖော်ဝါရီတစ်လတည်းမှာပင် ကပ်စေးပေါင်မုန့်နေ့၊ ဓားရှည်မြိုချသူများနေ့၊ ခွေးဘီစကစ်မုန့်ကို အားပေးထောက်ခံသည့်နေ့ ဟူ၍ ပင် ရှိသည်။ ယနေ့ ဖေဖော်ဝါရီလ (၂၂) ရက်နေ့ကို ‘နှိမ့်ချသောနေ့’ ဟူ၍ သတ်မှတ်ကြသည်။ စကြဝဠာတစ်ခုလုံး၌ နှိမ့်ချမှုကို ကောင်းသောကိုယ်ကျင့်သိက္ခာအဖြစ် ဆင်နွှဲခြင်းသည် သေချာပေါက်လုပ်သင့်လုပ်ထိုက်ပါသည်။ သို့သော် စိတ်ဝင်စားစရာကောင်းသည်မှာ ဤကိစ္စသည် အစဥ်အမြဲ ဤကဲ့သို့ ဖြစ်မနေပါ။
ရှေးခေတ်က နှိမ့်ချခြင်းကို ကောင်းသောကိုယ်ကျင့်သိက္ခာအဖြစ် မမြင်ဘဲ၊ အားနည်းချက်အဖြစ် ယူဆကြပြီး၊ ထိုအစား ‘ဂုဏ်အသရေ’ကို တန်ဖိုးထားကြသည်။ တစ်စုံတစ်ဦး၏အောင်မြင်မှုကို ထုတ်ဖော်ကြွားဝါရန် လူတို့မျှော်လင့်ကြပြီး မိမိ၏အဆင့်အတန်းကို မနိမ့်ကျစေဘဲ မြှင့်တင်ရန်သာ ရှာကြံကြသည်။ နှိမ့်ချခြင်း ဆိုသည်မှာ သခင်ရှေ့မှ ကျွန်ပမာ သိမ်ငယ်နိမ့်ကျခြင်းဖြစ်သည်။ သို့သော်လည်း သခင်ယေရှု၏ ကားစင်တင်သတ်ခံရခြင်းအမှုက အရာခပ်သိမ်းကို ပြောင်းလဲစေ သည်ဟု သမိုင်းပညာရှင်များက ပြောကြသည်။…
နိုးထပြောင်းလဲမှု ရောက်လာပြီ
Aurukun (အာရုခွန်)သည် ဩစတေးလျအနောက်ပိုင်းရှိ မြို့ငယ်တစ်မြို့ဖြစ်ပြီး၊ မြို့ခံလူဦးရေသည် မူလမျိုးနွယ်စု (၇) စုမှ ဆင်းသက်လာသည်။ လွန်ခဲ့သောနှစ်ပေါင်း တစ်ရာက အာရုခွန်မြို့သို့ ဧဝံဂေလိတရားရောက်ရှိလာချိန်တွင် မျက်လုံးတစ်လုံးအတွက် မျက်လုံး ဟူသည့် တရားစီရင်ချက်က ရှိနေဆဲဖြစ်သည်။ ၂၀၁၅ ခုနှစ်တွင် လူမျိုးနွယ်အချင်းချင်း အဓိကရုန်းဖြစ်ပွားရာ၊ လူသတ်မှုတစ်ခုကျူးလွန်လျှင် တရားခံမိသားစုဝင် တစ်ဦးဦးက အသေခံပေးခြင်းဖြင့် ပေးဆပ်ရသည်။
သို့သော် ၂၀၁၆ ခုနှစ် အစောပိုင်းတွင် ပြောစမှတ်တွင်သွားသည့် အမှုတစ်စုံတစ်ရာ ဖြစ်ပွားခဲ့သည်။ အာရုခွန်မြို့သားတို့သည် ဆုတောင်းလျက် ဘုရားသခင်ကို စတင်ရှာဖွေခဲ့ကြပြီးနောက် နိုးထမှုဖြစ်ပေါ်လွှမ်းမိုးလျက် အစုလိုက်၊ အပြုံလိုက် ဗတ္တိဇံခံယူလာကြကာ မြို့တွင်း၌ပြန်လည်ဆန်းသစ်ခြင်း စတင်ခဲ့သည်။ လူအပေါင်းတို့မှာ အလွန်ဝမ်းမြောက်လျက် မြို့လမ်းမထက်၌ ကခုန်ကြသည်။ တရားလိုမိသားစုသည် တရားခံမျိုးနွယ်အား ပြန်လည်ပေးဆပ်စေခြင်းထက် ခွင့်လွှတ်ပေးခဲ့သည်။ မကြာမီ အပတ်စဥ် တနင်္ဂနွေနေ့၌ လူဦးရေ ၁၃၀၀ မျှသာရှိသည့် မြို့၌ လူ…
စွန့်စားရန်အတွက် ဖန်ဆင်းထားသည်
မကြာမီက ကျွန်ုပ်ရှာဖွေတွေ့ရှိခဲ့သောအရာက အံ့သြဖွယ်ဖြစ်သည်။ ကျွန်ုပ်အိမ်အနီးရှိ သစ်ပင်စုပေါက်နေသည့်နေရာသို့ ဖုန်ထနေသည့်လမ်းအတိုင်း လျှောက်သွားရင်း မျက်ကွယ်ရာ၌ရှိနေသည့် အိမ်လုပ်ကစားကွင်းကို မြင်ခဲ့သည်။ မျှော်စင်သို့တက်ရန် တုတ်ချောင်းများဖြင့် ပြုလုပ်ထားသောလှေကားတစ်ခု၊ သစ်ကိုင်းတွင် ချိတ်ဆွဲထားသော ကေဘယ်ကြိုးဟောင်းများနှင့် ပြုလုပ်ထားသည့်ဒန်းများ၊ သစ်ကိုင်းများကြားတွင် ကြိုးတံတားတစ်ခုပင် ရှိနေသည်။ တစ်စုံတစ်ယောက်က သစ်သားနှင့်ကြိုးဟောင်းများကို ဆန်းသစ်စွာ တီထွင်ပြောင်းလဲလိုက်ခြင်းတည်း။
ဆွဇ်ဇာလန်သမားတော် Paul Tournier (ပေါလ်ထော်နီရာ)က ကျွန်ုပ်တို့သည် ဘုရားသခင်၏ပုံသဏ္ဌာန်နှင့်အညီ ဖန်ဆင်းခံရခြင်းကြောင့် စွန့်စားရန် ဖန်ဆင်းခံရသည်ဟု ယုံကြည်သည် (က ၁:၂၆-၂၇)။ ဘုရားသခင်သည် စကြဝဠာတစ်ခုကို တီထွင်ရန် စွန့်စားသကဲ့သို့ (:၁-၂၅)၊ အကောင်းအဆိုးကို ရွေးချယ်နိုင်သော လူသားများကို ဖန်ဆင်းရန် စွန့်စားသကဲ့သို့ (၃:၅-၆)၊ ကျွန်ုပ်တို့အား “များပြားစွာမွေးဖွားမွေးဖွားကြလော့။ မြေကြီးကိုပြည့်စေ၍ နိုင်ကြလော့” (၁:၂၈)ဟု ခေါ်သကဲ့သို့၊ ကမ္ဘာမြေကြီးကို အကျိုးရှိရှိအုပ်စိုးစဉ် တီထွင်ရန်၊ စွန့်စားပြီးအသစ်သောအရာများကို ဖန်တီးရန် ကျွန်ုပ်တို့၌လည်း တွန်းအားတစ်ခုရှိသည်။…
သင်မည်သူဖြစ်သည်...
ဆယ်နှစ်ကြာမျှ ကလေးမရဘဲ နေခဲ့ပြီးနောက် ၂၀၁၁ ခုနှစ်တွင် ကျွန်ုပ်တို့ဇနီးမောင်နှံသည် နိုင်ငံသစ်တစ်ခုတွင် ဘဝပြန်လည်စတင်ရန် ရွေးချယ်ခဲ့သည်။ အပြောင်းအရွေ့ ကြောင့် စိတ်လှုပ်ရှားရသလို ကျွန်ုပ်၏ရုပ်သံလွှင့် အသက်မွေးဝမ်းကြောင်းအလုပ်ကိုလည်း ထားခဲ့ရသဖြင့် ဆုံးရှုံးသွားသလိုခံစားရ၍ သူငယ်ချင်းလီယမ်အား အကြံဉာဏ်တောင်းခဲ့သည်။ “ငါ့ကိုဘုရားသခင်က ဘာလုပ်စေချင်မှန်းတောင် မသိတော့ဘူး”ဟု လီယမ်ကို စိတ်ပျက်လက်ပျက်နှင့်ပြောရာ၊ “မင်းဒီမှာ အသံမလွှင့်ဘူးလား”ဟု သူမေးသဖြင့် “မလွှင့်ဘူး”ဟု ပြန်ဖြေလိုက်သည်။ “ဒါနဲ့မင်းရဲ့အိမ်ထောင် ရေးကော ဘယ်လိုလဲ”ဟု သူအကြောင်းအရာပြောင်းပြီးမေးသဖြင့် အံ့ဩသွားပြီး ကျွန်ုပ်တို့ အခြေအနေကောင်းကြောင်း ပြန်ပြောလိုက်သည်။ ကြေကွဲမှုကိုနှစ်ဦးအတူရင်ဆိုင်ခဲ့ရငြားလည်း အတွေ့အကြံုများကြား ကျွန်ုပ်တို့ ပိုမိုနီးကပ်လာသည်။
“ကတိသစ္စာတည်ခြင်းဟာ ဧဝံဂေလိတရားရဲ့ ဗဟိုချက်ဖြစ်တယ်။ မင်းတို့လို ကတိသစ္စာတည်တဲ့ အိမ်ထောင်မျိုးကို ကမ္ဘာကြီး မြင်စေချင်တယ်။ မင်းဘာလုပ်တယ်ဆိုတာကို ကျော်ပြီး မင်းရဲ့ဖြစ်တည်မှုအတိုင်း ရှိနေဖြစ်နေတာက ဘယ်လောက် အကျိုးသက်ရောက်မှုရှိလဲဆိုတာ မင်းသိချင်မှသိမယ်”ဟု သူကပြုံးလျက် ပြောသည်။
အလုပ်အခြေအနေခက်ခဲမှုကြောင့် တိမောသေ စိတ်ပျက်အားလျော့သောအခါ…
ကျွန်ုပ်နှင့်အတူ လျှောက်လှမ်းပါ
လွန်ခဲ့သောနှစ်အတန်ကြာက ဧဝံဂေလိဓမ္မသံစုံတေးအဖွဲ့တစ်ဖွဲ့၏ ‘Jesus walks with me’ (သခင်ယေရှု ကျွန်ုပ်နှင့်အတူလျှောက်လှမ်းသည်) ဟူသည့် ထပ်ဆိုရန် သီချင်းစာသားလေးက အအောင်မြင်ဆုံးသီချင်းအဖြစ် ပေါက်သွားသည်။ ထိုစာသား ၏နောက်ကွယ်တွင် အကျိုးသက်ရောက်မှုကြီးမားသည့် ဇာတ်လမ်းရှိနေခဲ့သည်။
ဂျက်ဇ်ဂီတပညာရှင် Curtis Lundy (ကားတစ်လန်ဒီ)သည် ကိုကင်းမူးယစ်ဆေးဖြတ်ရန် ကုသမှုခံယူချိန်၌ ထိုဓမ္မတေးအဖွဲ့ကို ဖွဲ့စည်းခဲ့သည်။ သူကဲ့သို့ပင် ဆေးစွဲနေသူဘော်ဒါများကို ဆွဲခေါ်ပြီး ဓမ္မသီချင်းတစ်ပုဒ်အားဖြင့် တို့ထိနိုးဆော်မှုခံရသည့်အတိုင်း ထိုထပ်ဆိုရန်သီချင်းစာသားကို မူးယစ်ဆေးဖြတ် ပြန်လည်ထူထောင်ရေး ဂေဟာ၌ ရှိသူများအတွက် မျှော်လင့်ခြင်းသီချင်းအဖြစ် သူရေးစပ်ခဲ့သည်။ ထိုသီချင်းနှင့်ပတ်သက်၍ အဖွဲ့ဝင်တစ်ဦးက “ကိုယ့်အသက်တာအတွက် ကိုယ်ဆိုနေတာပါ။ ကျွန်တော်တို့ကို ကယ်ဖို့၊ မူးယစ်ဆေးနွံထဲကရုန်းထွက်နိုင်အောင် မစဖို့ သခင်ယေရှုကို ကျွန်တော်တို့ တောင်းလျှောက်နေတာ” ဟု ပြောသည်။ အခြားသူတစ်ဦးကလည်း ထိုသီချင်းကို သူဆိုနေလျှင် နာကျင်မှုများ လျော့သွားသည်ဟုဆိုသည်။ ထိုဓမ္မတေးအဖွဲ့သည် စာရွက်ပေါ်မှ စာသားများကို ဆိုရုံဆိုနေခြင်းမဟုတ်ဘဲ ဘုရားကယ်နှုတ်ပါမည့်အကြောင်း…
နှမမှ အစ်ကိုသို့
ရိပ်သာမှူးခေါင်းဆောင်က ခယ်ရံ အား သီးသန့်စကားပြောရန် ကျွန်တော့်ကိုပြောသောအခါ ဆွေးနွေးအကြံပေးခန်းထဲတွင် မျက်လုံးများနီပြီး ပါးပြင်၌ မျက်ရည်အရွှဲသားနှင့် သူမကို တွေ့လိုက်ရသည်။ (၄၂) နှစ်အရွယ် ခယ်ရံသည် အိမ်ထောင်ပြုလိုစိတ်ရှိပြီး အမျိုးသားတစ်ဦးကလည်း သူမအား စိတ်ဝင်စားနေသည်။ သို့သော် ထိုလူသည် သူမ၏သူဌေးအလုပ်ရှင်ဖြစ်ပြီး အိမ်ထောင်ရှင်ဖြစ်သည်။
သူမအား မညှာမတာစနောက်ခဲ့သောအစ်ကိုနှင့် ဂရုမစိုက်တတ်သောအဖေကြောင့် ခယ်ရံသည် ယောက်ျားများ၏အသာစီးယူမှုကို ခံရလေ့ရှိကြောင်း ငယ်စဥ်ကပင်သိခဲ့သည်။ သူ့ယုံကြည်ခြင်းကို အားသစ်လောင်းပြီးနောက် သူမသည် စည်းဘောင်များနှင့် နေတတ်လာသော်လည်း သူမ၏တောင့်တမှုရှိနေဆဲဖြစ်ပြီး ထိုမေတ္တာကို သူမရလေခြင်းဟူသည့်အတွေးက သူမအား နှိပ်စက်နေသည်။
စကားပြောပြီးနောက် ခယ်ရံနှင့်ကျွန်တော်တို့ စိတ်အားထက်သန်စွာ ဆုတောင်းကြသည့်အခါ သူမသည် သူမ၏သွေးဆောင်ဖြားယောင်းမှုကို ရှက်ရွံမှုဖြင့် ဘုရားရှင်ထံဝန်ခံ၊ သူမသူဌေးကိုရှောင်မည်ဟု အတိအလင်းဝန်ခံလျက် သူမ၏တောင့်တမှုကို ဘုရားရှင်ထံအပ်နှံကာ ပေါ့ပါးသောစိတ်ဖြင့် အခန်းထဲမှထွက်သွားသည်။
ထိုနေ့တွင် ယုံကြည်သူအချင်းချင်းအား ညီအစ်ကိုမောင်နှမများအဖြစ် ဆက်ဆံရန် ရှင်ပေါလု၏အကြံပြုချက်သည် မည်မျှကောင်းကြောင်း ကျွန်တော်…
ဇာတ်လမ်း မပြီးသေးပါ
‘Line of Duty’ (တာဝန်ထမ်းဆောင်နေစဥ်) အမည်ရှိ ဗြိတိသျှဒရာမာဇာတ်လမ်း အဆုံးတွင် စနစ်တကျ ပြစ်မှုကျူးလွန်သည့်အဖွဲ့ကို တွန်းလှန်တိုက်ခိုက်မှု မည်သို့မည်ပုံ ဖြစ်သွားမည်ကို စောင့်ကြည့်သူဉီးရေ စံချိန်တင်ခဲ့သည်။ နောက်ဆုံး၌ ထိုလူဆိုးများ အနိုင်ရသွားသည့်အခါ ကြည့်ရှုသူအများစုသည် အလွန်စိတ်ပျက်သွားကြသည်။ “ကျွန်တော်ဖြစ်ချင်တာက လူဆိုးတွေကို တရားစီရင်ဖို့ပဲ။ သင်ခန်းစာယူလို့ရတဲ့ အဆုံးသတ်မှုကို ကျွန်တော်တို့လိုအပ်တယ်” ဟုပရိသတ်တစ်ဦးက ပြောပါသည်။
တစ်နေ့တွင် အဆိုးကိုအနိုင်ရပြီး ပြုခဲ့သည့်အပြစ်အတွက်ပြန်လည်ပေးဆပ်ရမည်ဟူသော မျှော်လင့်ချက်နှင့် တရားမျှတမှုတို့ကို ကျွန်ုပ်တို့ဆာငတ် တောင့်တကြသည်ဟု လူမှုဗေဒပညာရှင် Peter Berger (ပီတာဘာဂါ)က မှတ်ချက်ချခဲ့ဖူးသည်။ ဆိုးသွမ်းသူများအနိုင်ရနေသည့် ကမ္ဘာကြီးသည် ကျွန်ုပ်တို့မျှော်လင့်ထားသော ဖြစ်တည်သင့်သည့်ကမ္ဘာကြီးနှင့် ဆန့်ကျင်ဘက်ဖြစ်သည်။ ထိုအချက်ကိုသတိမမူမိဘဲ စိတ်ပျက်နေသော ပရိသတ်ကြီးသည် တရားမျှတပြီး စစ်မှန်သည့်လူမှုအခွင့်အရေးများနှင့် ပြည့်မည့် ကမ္ဘာလောကကြီးအား ဖော်ပြတောင်းဆိုနေကြခြင်းဖြစ်သည်။
ပတ္ထနာတော်တွင် မကောင်းမှုနှင့်ပတ်သက်၍ လက်တွေ့ကျကျပင် သခင်ယေရှု ဖော်ပြသည်။ ကျွန်ုပ်တို့အကြားတွင် ဆိုးညစ်မှုများရှိနေပြီး ခွင့်လွှတ်ခြင်း…
ခိုလှုံရာကို ရှာတွေ့ခြင်း
ကျွန်ုပ်တို့ဇနီးမောင်နှံသည် နံရံထူပြီး မှန်ပြတင်းပေါက်ကြီးများနှင့် ဆောက်ထားသည့် ချစ်စရာ ကမ်းခြေဟိုတယ်အိုကြီးတစ်ခုတွင် တည်းခိုခဲ့ဖူးသည်။ တစ်ခုသောနေ့လည်ခင်း၌ ထိုဒေသသို့ မုန်တိုင်းဝင်ရောက်ခဲ့ပြီး ပင်လယ်လှိုင်းများအလိပ်လိပ်ထကာ စိတ်ဆိုးမာန်ဆိုးဖြင့် တံခါးကိုထုရိုက်သကဲ့သို့ ကျွန်ုပ်တို့အခန်း၏ပြတင်းကို ရိုက်ခတ်ခဲ့သည်။ သို့ရာတွင် ကျွန်ုပ်တို့မှာ တည်တည်ငြိမ်ငြိမ်ပင်ရှိခဲ့သည်။ အခန်းနံရံများမှာ အလွန်ခိုင်ခံ့ပြီး ဟိုတယ်၏အုတ်မြစ်များမှာလည်း ခိုင်ခံ့မာကြောလှသည်။ အပြင်ဘက်တွင် မုန်တိုင်းထန်စဥ် ကျွန်ုပ်တို့အခန်းမှာ လုံခြုံသောခိုလှုံရာဖြစ်ခဲ့သည်။
သမ္မာကျမ်းစာတွင် ခိုလှုံရာသည် အရေးပါသည့်အကြောင်းအရာဖြစ်ပြီး ဘုရားသခင်ကိုယ်တော်တိုင်အားဖြင့် အစပြုသည်။ “ကိုယ်တော်သည် ဆင်းရဲသောသူတို့ ခိုလှုံရာ၊ ငတ်မွတ်သောသူအမှုရောက်သည်ကာလ၌ ခိုလှုံရာ ... မိုးသက်မုန်တိုင်းလွတ်ရာ ... ဖြစ်တော်မူ၏” (ဟေရှာ ၂၅:၄)ဟု ဟေရှာယပြောခဲ့သည်။ ထိုအပြင် ဣသရေလတို့၏ရှေးခိုလှုံရာမြို့များ (တော ၃၅:၆) မှတစ်ဆင့်၊ အကူအညီလိုအပ်နေသည့် “ဧည့်သည်အာဂန္တု”တို့အား ဧည့်ဝတ်ပြုခြင်းအားဖြင့် (တရား ၁၀:၁၉) ဘုရားသခင်၏လူတို့သည် ခိုလှုံရာနေရာ ပံ့ပိုးပေးရန်လည်း တာဝန်ရှိသည်။ ယနေ့ ကမ္ဘာတွင် လူသားချင်းစာနာမှုဆိုင်ရာ…
အိမ်ထောင်ဥပမာ
Merryn (မယ်ရင်း)နှင့်ကျွန်တော်၏ (၂၂) နှစ်ကြာ အိမ်ထောင်ရေးသည် မည်သို့အဆင်ပြေခဲ့သည်ကို တစ်ခါတစ်ရံတွေးမိသည်။ ကျွန်တော်က စာရေးဆရာ၊ သူမက စာရင်းအင်းပညာရှင်။ ကျွန်တော့်အလုပ်က စကားလုံးများနှင့်သက်ဆိုင်ပြီး သူမက ကိန်းဂဏန်းကိုင်ရသည်။ ကျွန်တော်က အလှအပကိုဦးစားပေးပြီး သူမက လက်တွေ့ကျမှုကို နှစ်သက်သည်။ ကျွန်တော်တို့သည် ဆန့်ကျင်ဘက်ဖြစ်ကြသည်။
မယ်ရင်းသည် ချိန်းထားသောနေရာသို့ စောရောက်တတ်ပြီး ကျွန်တော်က တော့ နောက်ကျလေ့ရှိသည်။ အစားအသောက်မီနူးတွင် ကျွန်တော်က စားစရာအသစ်ကို စမ်းစားကြည့်တတ်သော်လည်း သူမကတော့ ပုံမှန်စားနေကျကိုသာ မှာလေ့ရှိသည်။ ပန်းချီပြခန်းတွင် မိနစ် (၂၀) အကြာခန့်မှ ကျွန်တော် စကြည့်မည်ရှိသေး၊ သူမက အောက်ထပ် ကဖေးဆိုင်တွင် ကျွန်တော်နောက်ထပ် မည်မျှကြာဦးမည်နည်းဟု တွေးနေပြီဖြစ်သည်။ သည်းခံခြင်းကို သင်ယူရန် ကျွန်တော်တို့ တစ်ယောက်ကိုတစ်ယောက် အခွင့်ရေးများစွာ ပေးခဲ့ကြသည်။
ဟာသဉာဏ်ရွှင်ခြင်း၊ ခရီးသွားရခြင်းကို နှစ်သက်ခြင်း၊ ရွေးချယ်မှုပြုရမည့်အချိန်၊ အပေးအယူလုပ်ရန် လိုချိန်များ၌ ဆုတောင်းရန်…